РУДАРСКА ПАТЕКА
Спортското планинарско друштво “ПРОБИШТИП” по повод 28-ми Август – Денот на рударите, верскиот празник Успение на Пресвета Богородица и празникот на градот Пробиштип на 31 август 2024 година (сабота) и во сеќавање на својот починат член, планинар и другар Слободанче Монев – Данче организираше: Планинарска акција ,,РУДАРСКА ПАТЕКА” – под покровителство на концесионерот на рудниците Компанијата БУЛМАК 2016 ДООЕЛ.
„Рударска патека“ или „Патеката на рударите“ е патека посветена на трнливиот пат на првите рудари кои работеле во рудникот „Добрево“.
Патеката е со должина од 25 km и спаѓа во категоријата средно тешки патеки, за која е потребно време околу 9 часови. Стартот беше во с.Мождивњак (Крива Паланка) и турата се заврши во Добрево во кругот на рудникот.
Во рудникот Добрево покровителот БУЛМАК обезбеди ручек за учесниците (традиционално планинарско гравче) а организаторот додели благодарници за учесниците.